Փետրվարի 2-ին Արցախից Կարմիր խաչի միջազգային կոմիտեի միջնորդությամբ եւ ուղեկցությամբ եւս 6 անձ է տեղափոխվել ՀՀ մասնագիտացված բժշկական կենտրոններ։ Տեղափոխված անձինք ուռուցքային եւ սիրտ-անոթային համակարգի ծանր հիվանդություններ ունեն։
Արցախի առողջապահության նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։ «Արեւիկ» բուժմիավորումում 7 երեխա նորածնային եւ վերակենդանացման բաժանմունքներում են: «Հանրապետական բժշկական կենտրոն» ՓԲԸ-ում 12 բուժառու գտնվում են վերակենդանացման բաժանմունքում, որոնցից 5 -ը ծայրահեղ ծանր վիճակում են։
ԿԽՄԿ մամուլի ծառայությունից հայտնել են, որ 2023-ի հունվարին Կարմիր խաչի միջազգային կոմիտեի աջակցությամբ Արցախից Հայաստան է տեղափոխվել 95 քաղաքացի։ 2022-ի դեկտեմբերի 19-ից, որպես մարդասիրական չեզոք միջնորդ, ԿԽՄԿ-ն Լաչինի միջանցքով 19 բժշկական տարհանում է կատարել՝ ապահովելով հրատապ բժշկական օգնության կարիք ունեցող 66 հիվանդների եւ նրանց ուղեկցող անձանց անվտանգ տեղափոխումը Հայաստան։