ՀՀ Ազգային Ժողովի նախագահ Ալեն Սիմոնյանը լրագրողների հետ զրույցում չի բացառել ՀԱՊԿ—ից Հայաստանի դուրս գալու հավանականությունը։
«Որեւիցե մեկը չի բացառում: Բայց դրա պատճառները հայտնի են: ՀԱՊԿ—ն ամեն ինչ անում է դրա համար»,-նշել է Սիմոնյանը։
ՀՀ ԱԺ նախագահը նաեւ անդրադարձել է Ռուսաստանից հնչող այն հայտարարություններին, թե ՀԱՊԿ—ից դուրս գալը չի բխում Հայաստանի եւ հայ ժողովրդի շահերից։
«Հայաստանի հետ սպառնալիքների լեզվով խոսելը շատ սխալ տրամաբանություն է: Չէի պատկերացնում, որ Հայաստանում Ռուսաստանի դեսպանատունը կամ նրանց վերլուծաբանները, արտգործնախարարությունը այդքան կտրված են հայկական իրականությունից: ՀԱՊԿ—ի մեջ լինելով հանդերձ՝ նրանք այլ երկրի կողմից Հայաստանի վրահարձակումների ականատես եղան եւ տպավորություն ստեղծեցին, թե որեւէ բան չի կատարվում»,-ասել է ՀՀ ԱԺ նախագահը: